2008 йилда 27 март пайшанба куни ЎзР ФА Шарқшунослик институтига Деҳли университетининг Проф. Б.П.Саху бошчилигидаги етти нафар ҳинд олимлари ташриф буюрди. Хорижлик меҳмонлар институт директори тарих фанлари доктори С.Каримова қабулида бўлдилар ҳамда Н.Тошев (илмий ишлар бўйича директор ўринбосари), Б.Обидов (ташқи алоқалар вакили), Ш.Мусаев (КУ раиси) ва бир гуруҳ етакчи олимлар билан ўзаро алоқалар ва ҳамкорлик борасида суҳбат олиб бордилар. Томонлар ФА Шарқшунослик институтида сақланаётган Ҳиндистон тарихига оид қўлёзмалар ва Ҳиндистондаги қўлёзмалар фондларида сақланаётган Марказий Осиё тарихига оид манбалар, шунингдек, туркий тилда ёзилган асарларни тадқиқ этишда ўзаро ҳамкорликни йўлга қўйиш тўғрисида келишиб олдилар.

Учрашув сўнгида меҳмонлар қўлёзмалар фонди ва институт олимларининг Ҳиндистон тарихи ва маданиятига доир тадқиқотларига бағишланган китоблар кўргазмаси билан танишдилар.